علام البرز
عدد المساهمات : 8
تاريخ التسجيل : 13/10/2009
 | موضوع: قصيد بعنوان ـ الجمالاب بلدي *** الجمالاب اهلي***  الأحد 20 ديسمبر 2009, 12:17 | |
| عيوناتك
دروب مسقية موية النيل
وفي عتمورنا شجرة وضل
عيوناتك تراب بلدي وسماحة خلقه يا الله
ونوم العافية للتايهين بعد ليل الشقى الولا
وريحة الطين وشوق البداية لقمر سمح ولا
وشوق الساقية للقادوس لمن اغرق اشيل المويه وادلا
وشوق القمحة للقسيب بعد حولا تنشو الريح واضرا
وشوق الحلوه للحلولات وشوق الغاب سنين لاهله ما طلا
دا شوق انا شوق بلدي البعذبني وجرجني واقول للبلد يلا
بلادي جميله يا حلوات ... بلادي بلاد الروعة والاعياد
بلاد النور.بلادي بدور . بلادي خدور بلادي الطلا والهلا
حبيبتي انا
سميرتي انا
وبلادي انا
بسيماتك تفور في صدورنا زي زفرات تشيل العبرة تدلا
بسيمات زي بسيمات طفلة ما عرفت حنان والدين وما رضعت ثدي بالبن درا
خصيلاتك وكت تشتاق عناق الليل تذوب زي آيه تدينا وتهدينا في هدي المولا
دميعاتك زي دروب مصلوبه فوق القيف تشيل وتقيف
وما بتجف دموع زولا بعد سبح وقف صلا
حبي إليك وشوقي إليك زي عاشق جريح في الحب فقد عقله بدور ليلى وانا المسكين
بدور قربك بدور اشواقى تدفق تضم قلبك عشان ارتاح واقيف مقرور واقول بعد
حبيبتي انا
وسميرتي انا
وبلادي انا
اكفكف في دموع الليل والغابئين واحاول ديمة اضطرا
بلادي انا بلاد التار بلاد النار
بلاد ناسا سيوفه عشر في عز الناس
بلاد الليله مابكره
بلادي انا
حبيبتي انا
وسميرتي انا
بلادي انا
| |
|
صديق الجمالابى(ودابوقرجه)
عدد المساهمات : 42
تاريخ التسجيل : 18/06/2009
العمر : 35
| | موضوع: رد: قصيد بعنوان ـ الجمالاب بلدي *** الجمالاب اهلي*** السبت 02 يناير 2010, 08:25 | |
| | |
|
